中评社北京2月26日电／据大公报报道，近日新冠肺炎确诊人数呈几何级数上升，大批患者迫爆公立医院，令本来已不堪负荷的前线医护压力爆煲。一名已退休却重返前线的63岁公立医院急诊室医生致函《大公报》，尽诉前线医护辛酸，并强调“唔少人都濒临崩溃”，直至中央宣布全力援港才为他们带来希望。他期望特区政府动员全社会的力量，尽快战胜疫情。
以下为该名医生的信件全文：
自从两年前新冠疫情爆发以来，我哋前线嘅工作一直车轮转未停过。原本我三年前就退休了，但疫情一波接一波，啲同事嗌晒救命，所以我都返嚟帮下手。
但今次第五波嘅严重程度远远超乎我哋想像，呢段时间医院日日爆满，内外都迫满病人。医生同姑娘忙到凼凼转，连喝水及如厕都无时间，依然忙不过嚟。大家日日都做得好躁，唔少人都濒临崩溃。
其实，而家我哋面临嘅最大困难唔系身体上的负荷，而系精神上，对前路缺乏信心。唔少同事都越做越灰，因为觉得疫情见唔到尽头，佢哋同我感慨话：“而家特区政府都控制唔到疫情，我哋仲可以做啲乜？咁嘅日子仲要过到几时？”
医护亦都系人，都会有情绪。好在而家中央全力支援香港，听到各地方舱医院陆续开工，我哋都好兴奋，希望援兵快啲到。不过，对于中央支援嘅每日进展，如果相关资讯每日有个统一发放嘅渠道，我谂会更加清晰。同时我哋都期望特区政府动员全社会的力量，尽快战胜疫情。
最后，要多谢《大公报》持续为我哋发声，近日无论系“动员学护上前线”，抑或系“急诊室直击”嘅报道，都讲出咗我哋嘅心声，讲出咗前线医护面对嘅最真实情况。希望《大公报》越办越好！
一个公立医院退休急症室医生 |
